Er ekki komin tími á heiðarlega vinnu og hætta þessari lágkúru ?

Ég held að þjóðin sé orðin þreytt á að fylgjast með þessari þvælu sem út úr þessum stjórnmálamönnum kemur.

Við kusum fólk til að stjórna landinu og vinna úr þeim hörmungum sem heltust yfir okkur.

Það virðast nær allir stjórnmálamenn sóa tímanum og skíta hver á annan.

Farið nú að vinna og hættið þessu rugli. Þjóðin er orðin þreytt á þessu.

Þjóðin vill lausn.  Það er ekki ásættanlegt að þjóðin sé með þessa stjórnmálamenn á launum og auk þess aðstoðarmenn þeirra á launum.

 

Ummælin fráleitur þvættingur

Tel mig heppna að eiga ekki möguleika á langri ævi.

Kannski eru fjörutíuþúsund krónur nóg fyrir þá sem að ekkert geta og ekkert þurfa.

Fjörutíu þúsund krónur fyrir aldraða á stofnun sem vilja  fara í leikhús, geta jafnvel stundað hannyrðir og geta tekið þátt í lífinu, er þetta smán.

Bara garn í peysu kostar á nýja Íslandi tíu til tólf þúsund krónur.

Þetta er í raun og veru smán.

Þeir aldraðir sem hafa átt sína íbúð og selt hana eru aftur á móti að borga hátt í þrjúhundruð þúsund fyrir það eitt að fá að sofa í rúmi á tveggja manna herbergi á dvalarheimili og fá þar fimm máltíðir á dag.

Þar er allt önnur verðlagning en þegar vasapeningar eru metnir.

Ég fékk þann dóm ung að geta mögulega lifað 75% af ævi meðal-Jónsins og það er ég þakklát fyrir í dag.

Það er átakanlegt að hugsa til þeirra sem að þurfa að verða að þiggja þessa ölmusu. 

 

Vasapeningar aldraðra lækka ekki

Í eldhúsinu með Jóhönnu....

Mér fannst gaman að sjá Jóhönnu í eldhúsinu í gær. Venjuleg kona sem kann að elda mat.

Ég horfi oft á matreiðsluþætti í danska sjónvarpinu og þeir eru bæði fróðlegir og skemmtilegir.

Núna á að kenna Íslensku þjóðinni að elda venjulegan mat og það er svo sannanlega málið núna á þessum krepputímum og löngu orðið tímabært.

Það er ekkert nauðsynlegra en að borða hollan og næringarríkan mat og það á svo sannanlega heima í sjónvarpi allra landsmanna, ekki spurning. 

Við prjónum okkur í gegn um "krísuna"

 Það hefur ekki farið fram hjá neinum að það er í tízku að prjóna þessa dagana.Nú prjóna bæði konur og menn alveg vilt.Okkur þessum gömlu prjónakonum finnst það mjög svo áhugavert þar sem við vitum, það að prjóna er róandi. Það hefði verið betra ef að þeir sem núna fyrst eru að grípa í prjónanna hefðu átt að gera það á tímum "græðginnar".Þá hefði kannski allt verið rólegra og hrunið minna ?

 Það sem hefur glatt "gömlu reyndu" prjónakonuna er að núna er hægt að kaupa garn út um allan bæ. 

Garn fæst orðið í Húsasmiðjunni og í Krónunni. 

Hér áður þurftum við að fara langar leiðir eftir garni, þar sem garnbúðum fór fækkandi og Kaupfélögin sem sáu um þessa þjónustu fóru jú öll um koll (eða fóru þau í vasa kaupfélagsstjórasonanna ?). 

Teitur í nýju hlutverki.

 Þó að stormurinn sé ekki eins mikill í Reykjavík eins og Vestmanneyjum var hann þó mjög mikill við Háskóla Íslands áðan.

Ég gekk þar um og tók á loft, það var slæm tilfinning. 

Þök og bílar fjúka í Eyjum

Virðingavert.

Helgi Hóseasson hefur verið hluti af hverfinu, ekki spurning um það. Það sagði einhvertímann við mig kona úr hverfinu að það mætti stilla klukkuna eftir honum, hann væri þarna alltaf.

Í dag eiga allir að vera eins og það er raðað sérfræðingum á fólk sem er "öðruvísi".

Í framtíðinni verða trúlega fátt um menn sem setja svip á bæjarlífið, svona eins Helgi, Haukur pressari, Libbi og Óli blaðasali. 

Unglingar heiðra Helga Hóseasson

Þar var hæfileikaríkasta fólk landsins !

Í viðtali við Ármann Þorvaldsson í Íslandi í dag í kvöld sagði hann að í bankana hefði sogast hæfileikaríkasta fólk landsins.

Var það virkilega þannig ?

Ef bankarnir hefðu bara verið með meðal-Jóninn hefði þjóðin kannski ekki lent í þessum hörmulegu hremmingum ? 

"Skilaboðaskjóða" Sjálfstæðisflokksins.

Mikið var hún skemmtileg skilaboðaskjóða Sjálfstæðisflokksins. Hún kom með skilaboð beint frá saltfiskverkandanum í Þorlákshöfn og vinkonunni á Suðurnesjum sem vildi helst að Reykjanesið yrði rifið frá meginlandinu, því þau gætu alveg séð um sjálf þarna suðurfrá.

Hún lagði fram tillögu um að ná fram þingsáttum, að þingmenn ynnu saman að uppbyggingu.

Skemmtileg tillaga frá Ragnheiði Elínu eftir að hún var búin að hakka vel í félaga sína.

Þetta gæti verið andlitsskjól !!

Regnhlíf sem þessi gæti hentað vel fyrir "útrásarvíkinga" ef hún væri svört með smá götum fyrir augun.

Þá gætu þeir ferðast án þess að verða fyrir aðkasti gjaldþrota Íslendings.

Það heyrast sögur um að þeir hafi þurft að forða sér af vettvangi, þar sem meðal annars hefur verið hent í þá konfekti.

Þetta gæti verið andlitsskjól !! 

Ný regnhlíf vekur kátínu

Af hverju getur Ríkisstjórnin ekki drukkið Íslenskt kranavatn ?

Ég verð nú að segja að ég fyllist reiði þegar ég sé Ríkisstjórnina funda og það áður en ég heyri hvað þeir funda um.

Hvað er að því að fá vatn úr krana sem að sett er í könnu ?

Hvers vegna þetta bruðl að drekka vatn úr plastflöskum ?

Ég er alveg viss um að Ríkisstjórnin hefur ekki litið sér nær í sparnaðnum.

Íslenskt vatn, já takk, og það úr krananum ! 

Allt í einu kominn vetur.

"Hornstrandarfarar" leggja víðar land undir fót en á Hornströndum.

Í gær laugardag var gengið um Ölkelduháls.

Gengið var um hverasvæði og komið niður í Reykjasal.

         

 

 

 

 

Ísland var fallegt, andstæðurnar voru þarna ríkjandi. Snjórinn var meiri en við áttum von á. 

Eiga ekki allir að spara ?

Í fréttum sjónvarpsins í kvöld sáum við hvar ráðherrar óku í sínum eðalvögnum til Bessastaða.

Hvar er sparnaðurinn núna ?

Á ekki að sameinast um bíla?

Hversvegna er ekki hægt að keyra ráðherra um í ódýrari bílum ?

Ég skammaðist mín fyrir að vera Íslendingur þegar ég sá þennan flotta flota ráðherrabíla.

 

Á ekki að skila þeim ?

Ég hélt að það ætti að skila þessum orðum.  Gæti að vísu verið erfitt fyrir orðuþega að skila eftir andlát. Ættingjar vita það kannski ekki, já eða að ættingjar sjá "gróða" í að selja orðurnar.

Hvern langar að eiga svona orðu, fatta það ekki alveg. 

Stórriddarakross með stjörnu falur á 270 þúsund

Vonandi komin friður.

Alltaf er það leiðinlegt þegar ekki næst samkomulag innan skóla um vinnuhegðun og yfirmenn.

Vonandi er komin friður á Hvolsvelli.

Eftir höfðinu dansa limirnir og ef engin yfirmaður er, geta limirnir farið að dansa út um allt stjórnlausir.

Nýr skólastjóri Hvolsskóla

Takk fyrir.

Ég þakka öllum þeim fjölmörgu sem hafa hringt, sent mér tölvupóst eða komið til að veita mér stuðning, síðustu tvo daga.Það er alveg greinilegt að hér hjálpast fólk að og gefur góð ráð, þó svo að margir af þeim sem hafa verið í sambandi við mig, þekki mig ekki neitt.

Margt af því sem ég hef verið upplýst um kemur mér virkilega á óvart, en greinilegt er að á Íslandi eru hlutir að gerast sem ég hafði ekki hugmynd um.

Takk öll, þið eruð alveg frábær. 

Fékkst þú þér lýsi í morgun ?

Það er gott að fá sér lýsi með morgunmatnum .Lýsi inniheldur D-vítamín sem er líkamanum nauðsynlegt.

Hugsaðu um heilsuna og fáðu þér lýsi. 

Borðaðir þú morgunverð ?

Það er talið að tæpur helmingur fólks borði ekki morgunverð.Morgunverður er talin ein af nauðsynlegustu máltíðum dagsins.Það er talið að vinnuafköst verði minni og fólk eigi erfiðara með að einbeita sér borði það ekki reglulega.

 

Þvílíkur æsingur.

Úfff þvílíkur æsingur.

Hvernig verður næringarástand þjóðarinnar.

Það má segja að hrunið hafi áhrif allsstaðar.Það gerir það einnig í neyslu fólks. Mataræðið breytist og fer oft í næringarminni vöruflokka.Alveg er ég viss um að þeir sem eru í Ríkisstjórn og hafa áhyggjur af skuldum framtíðarinnar hafa ekki tekið þær breytingar með í framtíðarplönin.

Það er hætta á að fólk breyti neyslu sinni og að neyslan verði ekki eins holl og áður.

Slíkar breytingar geta haft mikil áhrif á  heilsu og líðan. 

Minni afköst, hærri veikindatíðni og margt fleira sem að getur gerst ef fólk fær ekki þau næringarefni sem líkaminn þarf að fá daglega. 

Inga Lind verður örugglega flott í fréttum.

Gaman að fá nýjan fréttatíma fyrir okkur sem erum háð fréttum.

Það er ekki spurning að hann Flosi frændi minn verður glaður ef hann getur horft á hana í sjónvarpi næstum daglega. 

Inga Lind í nýjum fréttatíma