Steikja vel og lengi.

Það er gott að hafa þá reglu að steikja alltaf kjúklinga vel og lengi. Vera ekki að halda þeim lengi heitum og kæla fljótt.

Nota ekki sama bretti undir kjúklinganna og kálið.

Þetta eru  grundvallarreglur við matreiðslu kjúklinga.

Hreinlæti er alltaf mjög mikilvægt.

Enn grunur um salmonellu

Það er enn og aftur verið að koma "fólki fyrir"

Það eru sorgleg þessi vinnubrögð þegar verið er að koma fólki fyrir. Einhvernvegin vonaði maður að ástandið yrði betra eftir hrun, en því miður heldur leikurinn áfram.

Núna var verið að koma Runólfi fyrir .

Alveg er það öruggt að koma á Ingibjörgu Sólrúnu fyrir á Akranesi, trúlega búið að lofa henni því.

Það er alveg sama hvað "fólkið þeirra"  gerir og hverju það klúðrar, því er alltaf lofað gull og grænum skógum.

Ætlar að krefjast rökstuðnings

Nei takk !

Þá látum við hlið á Álftanesið og þeir borga inngöngu í okkar BORG.Sameining hlýtur að verða þannig að skuldir Álftnesinga blandist okkar skuldum hér í Reykjavík. Höfum við eitthvað aflögu til þess herra borgarstjóri. Mínar skuldir sem borgarbúi eru miklar og ég myndi þiggja betri þjónustu fyrir þá borgarbúa sem standa í biðröð við Mæðrastyrksnefnd áður en við tökum að okkur skuldir annarra sveitarfélaga.

Tilbúið til viðræðna um kosti sameiningar

Gleymum ekki !!!

„Mjakast samkvæmt áætlun“

Ennþá í sandkassanum.

Alveg finnst mér Þórunn hefði mátt sleppa þessari yfirlýsingu sinni.

Steinunn Valdís er ekkert betri þó að aðrir séu verri, þau eru öll með ranga siðferðiskennd þau sem þáðu fúlgur fjár í styrki, til að koma sér á framfæri og auðvitað ættu þau öll að vera farin frá  störfum sínum og það strax.

Sjálfstæðismenn í Borgarstjórn eru þar engin undantekning þar þarf að hreinsa til og það út í öll horn.

Steinunn Valdís átti að vera farin fyrir löngu þá hefði verið hægt að skjalla hana pínu Þórunn, en núna, nei allt of seint í rassinn gripið hjá henni því miður.

Setur þrýsting á aðra

Ég fékk bréf frá Hönnu Birnu.

Inn um póstlúguna mína í dag kom bréf frá Hönnu Birnu Kristjánsdóttur. Ég hef aldrei fengið bréf frá henni áður en ég hef sent henni bréf og hún virti mig ekki viðlits. Svaraði ekki.

Ég hef fengið bréf í hverri viku frá Hönnu Birnu, en það bréf hefur verið á tölvutæku formi, komið í veffangið mitt og trúlega ekki kostað mikið.

Ég las það tvisvar sinnum en síðan hef ég sett það í ruslatunnuna.

Hanna Birna er mjög ánægð með verk sín segir hún í bréfinu og vill halda áfram að vinna að sínum góðu verkum. Það er að sjálfsögðu mjög gott að hún er ánægð með sig og sína vinnu en ég er það alls ekki.

Það er margt sem ég hef reynt að að koma til yfirvalda  í Ráðhúsinu en það er engin nennt að hlusta.

Sem starfsmaður borgarinnar finnst mér mjög margt sem að mætti laga.

Finnst Borgarstjóra þjónusta hennar við eldri borgara framúrskarandi ?

og skólarnir eru þeir framúrskarandi ? 

Ef svo er finnst mér eins og Borgarstjóri viti alls ekki hvað er að gerast í þessari borg.

Það er langt frá því að ástandið sé framúrskarandi Hanna Birna, því miður.

Ég veit að það eru margar hliðar á öllum málum og þessu líka, en betra væri að spara stóryrðin og fylgjast með hvað er að gerast í Borginni.

Hver ætli greiði fyrir þessa póstsendingu Hönnu Birnu, ég vona að það hafi ekki verið við hér í Reykjavíkurborg.

 

Seinfærir ?

Það alveg ótrúlegt að þeir sem þáðu mikla styrki sjái ekki sóma sinn í að þakka fyrir sig og yfirgefa svæðið.

Flokkarnir ná ekki trausti fólks nema að hreinsað verði til.

Ég met það siðblindu að þeir sem þáðu styrki finnst það vera í lagi (það skiptir ekki máli á hvaða árum það var) . Stór hluti þjóðarinnar er ósáttur við þetta og það er þjóðin sem að þetta fólk er í umboði fyrir.

Skilja þeir það virkilega ekki, hvaða ráðgjafa hefur þetta fólk ? ég bara spyr ?

Velgengni Besta flokksins fær allt þetta fylgi vegna óánægju við þá flokka sem fyrir eru. Ef fer sem horfir og engin sér sóma sinn í að yfirgefa stjórnmálasvæðið af þessum umdeildu einstaklingum verður Spaugstofan trúlega í framboði fyrir næstu Alþingiskosningar eða einhverjir álíka fyndnir.

Skoða ekki styrki Steinunnar

Þetta segir allt sem segja þarf.

Borgarbúar eru orðnir langþreyttir á þeim sem að sitja í Borgarstjórn. Það sýna þeir með því að setja X við Besta flokkinn.

Ekki veit ég hvort þeir sem eru á lista Besta flokksins séu nokkuð verri né betri en þeir sem skipa aðra lista, það mun koma í ljós síðar.

Hvaða reynslu hafa menn í Borgarstjórn, margir hafa ekkert annað gert en að vera í stjórnmálum og það alla sína ævi.

Þeir sem ákveða að fara í stjórnmál á fermingardeginum sínum, ákveðin í að komast til valda sama hvað á dynur eru að mínu mati fólk án reynslu.

Það ætti að setja reglur um að fólk sem býður sig fram til stjórnmála hafi reynslu af atvinnulífinu, hafi reynslu að vinna úti á hinum almenna vinnumarkaði.

Framboð Besta Flokksins segir okkur að fólk vilji breytingar, vilji annað fólk til starfa en það sem setið hefur við völd undanfarin ár.

Við viljum heiðarlegt fólk sem vinnur fyrir fólkið en ekki eingöngu fyrir sig og sína "vini". 

 

Mikið forskot Besta flokksins

Ætli þeir geti lokað á sjúkdóma.

Það er alltaf erfitt þegar það þarf að spara.  Þó er hægt að spara víða án þess að það skapi mikil óþægindi.

"Kreppan" hefur haft þær afleiðingar að fleiri hafa fundið fyrir geðsænum sjúkdómum.

Depurð eykst hjá fólki þegar það á ekki fyrir því nauðsynlegasta eins og  mat, svo ég tali nú ekki um fólkið sem ekki hefur þak yfir höfuðið.

Ætli þeim takist að spara sjúklinga, það væri það eina sem gæti leist lokun bráðadeildar geðsviðs. Landsspítalans.

Geðdeild lokað í sparnaðarskyni

Það þarf að vera einhver rík nauðsyn til þess,

Hvað er að gerast. Þegar háttvirtir lögmenn halda slíku fram verður hver maður kjaftstopp.

Ætlar þetta rugl aldrei að taka enda.

Hvar er heiðalega fólkið á þessu landi ????

Besti flokkurinn er bestur.

Besti flokkurinn fær okkur til að hlæja. Ekki veitir okkur af.

Hvort loforðin standi er aukaatriði. Það eru fá loforð sem hafa staðið hjá hinum flokkunum, hvort sem er.

 

Orkunotkun eykst við daglega hreyfingu.

• Liggjandi í hvíl = 70 kcal
• gangur innandyra= 140 kcal
• Að keyra bíl= 90-140 kcal
• Krefjandi vinna= 570 kcal
• Ganga 4km/klst = 240 kcal
• Ganga 8km/klst = 550 kcal
• Ganga upp tröppur= 710 kcal
• Hlaup10km/klst = 690 kcal
• Að hjóla18km/klst = 600
• Að skríða = 770
• Bringusund = 640

Orkunotkun á 1 klukkustund.

Fréttastofan óháð eigendum ?

Það hefur verið reynt aftur og aftur að telja okkur trú um að Fréttastofunni sé ekki stjórnað af eigendum.

Vonandi hætta þeir því núna því það er deginum ljósara með afsögn Óskars Hrafns að það eru eigendurnir sem að stjórna Fréttastofunni.

Það eru fáir fjölmiðlar sem að hægt er að hafa trú á, það sannar sig aftur og aftur.

Ætli bloggið sé ekki sterkast því þar er grasrótin ennþá við völd þó svo að "sumir" reyna að koma sínu fram þar undir "keyptum" nöfnum.

Fréttastjóri hættur

Fitan er holl.

Það er alltaf verið að gera einhverjar rannsóknir sem að rugla fólk bara í ríminu.

Fita úr hnetum er holl og hefur lengi verið talin holl.

Fita er lífsnauðsynleg og við þurfum að fá hana alla daga í réttum hlutföllum.

Ég vona nú samt að fólk rjúki ekki til og fari að háma í sig hnetur eftir að hafa lesið þessa frétt. Því hnetur er orkumiklar.

Fjölbreytt mataræði, borðað í hæfilegum skömmtum er það besta fyrir flest okkar.

Hnetur allra meina bót

Er alltaf hægt að losna við stolin tæki.

Það er forvitnilegt að heyra fréttir um að  verið sé að stela flatskjám og hljómflutningstækjum aftur og aftur.

Fólk þarf greinilega að taka tækin og tæknina með heim úr sumarbústaðnum um helgar.

 Hvar er eiginlega hægt að losna við þetta allt saman ?

 

Brotist inn í tólf sumarbústaði

Hvar er umboðsmaður barna ?

Hvar er umboðsmaður barna núna þegar börn eru borin út af því að foreldrarnir hafa misst húsnæði sitt, ekki getur það verið börnunum að kenna.

Hvar er umboðsmaður barna þegar foreldrarnir eiga ekki fyrir mat handa börnunum ?

Ekki hafa börnin valið þessa foreldra.

Væri kannski ráð að leggja niður umboðsmann barna og nota þá peninga til að hjálpa öllum þeim börnun sem að lifa við fátækramörk á Íslandi.

Hvert er hlutverk umboðsmanns barna ef það er ekki að hjálpa börnum sem eiga hvorki í sig né á og ekki þak yfir höfuðið ?

Skinka

Skinka er innanlærisvöðvi af  svíni sem getur verið ný, söltuð eða réttreykt
Stundum er bógur hreinsaður  og  seldur á sama hátt og skinka.
 
Síðan hafa margir farið frekar frjálslega með orðið Skinka,
ég hef séð kjúklingaskinku, lambaskinku,
Sparnaðarskinku og  skólaskinku. Ekkert af þessu hefur neytt með svínavöðva að gera því svínavöðvi kostar peninga og kemur ekki inn á heimili okkar ef við erum að spara, því hann er spari.
Skinka er hreinn vöðvi og er alls ekki skinka þegar búið er að tæta hann og pressa með öllum þeim hjálparefnum sem þar þarf til.
 
Síðan hef ég heyrt um "skinkur" kvenkyns, sem einhver sagði mér að væri svona eins og ljóska. Í mínum huga hlýtur kvenkynsskinka að vera eitthvað fínt og flott því að það er svínavöðvinn.

Gifting-skilnaður-fráskilin.

Alltaf gaman af þessum fréttum.

Það er eins og það sé mikið mál að sækja um skilnað. Eftir öllum þeim fréttum sem við lesum úr Hollywood, gerist þetta á hverjum degi.

Á Íslandi hefur það ekki alltaf þótt fínt að skilja og að vera fráskilin, en í leikaraheiminum virðist þetta vera afar fínt, miðað við allar þær giftingar og skilnaði sem birtast hér á síðum blaðanna.

Það þykir ekki gott að skilja á Íslandi og enn verra að vera fráskilin og misskilin og þar af leiðandi fátækur.

 

 

Sandra sækir um skilnað

Leifar af 2oo7

Skondnar vinnuaðferðir. Framkvæmdarstjórinn hlýtur að vera undir stjórn stjórnarinnar.

Svona var unnið á Íslandi fyrir kreppu, greinilega ekki hægt að breyta því hvorki fólki né vinnuskipulagi.

Trúlega væri farsælla fyrir Blaðamannafélagið ef að góður andi væri í félaginu.

Neita að skrifa undir ársreikninga BÍ

Súkkulaðiáhugi.

Gaman af þessum súkkulaðirannsóknum. Virðist vera spennandi að rannsaka súkkulaði nú á.þessum "krepputímum".

Ætli þessi "áhugi" sé vegna offramboðs af fólki í rannsóknarstörfum eða vegna allra þeirra sem eru  að ljúka námi sem oftar en ekki líkur með rannsóknarvinnu.

Trúlega kemur súkkulaði aldrei til greina sem hjartalyf, grenningarlyf né vörn gegn þunglyndi.

Súkkulaði verður vonandi um ókomna framtíð notað til að gleðja neytandann.

Tengsl á milli neyslu súkkulaðis og þunglyndis