Af hverju getur Ríkisstjórnin ekki drukkið Íslenskt kranavatn ?

Ég verð nú að segja að ég fyllist reiði þegar ég sé Ríkisstjórnina funda og það áður en ég heyri hvað þeir funda um.

Hvað er að því að fá vatn úr krana sem að sett er í könnu ?

Hvers vegna þetta bruðl að drekka vatn úr plastflöskum ?

Ég er alveg viss um að Ríkisstjórnin hefur ekki litið sér nær í sparnaðnum.

Íslenskt vatn, já takk, og það úr krananum ! 

Athugasemdir

[Jens Guð, 4.10.2009 kl. 23:34]

  Það er meiriháttar undarlegt ef ríkisstjórnin er að bruðla með aðkeypt vatn í flöskum.  Gott að þú vekur athygli á þessu.

[Hildur Helga Sigurðardóttir, 5.10.2009 kl. 00:54]

Sammála þessu, Guðrún Þóra. Margt smátt telur þegar upp er staðið.

Þegar hafður er í huga allur sá fjöldi opinberra funda, þar sem mætti eins þamba okkar ágæta kranavatn, er upphæðin ekki lengur sérlega smá.