Má þá ekki leggja niður launuð hverfasamtök ?

Núna getur ekki verið nokkur þörf fyrir launuð hverfasamtök þegar við getum sjálf kosið. Svo getum við bara gert eins og í öðrum kosningum farið í fleiri tölvur og kosið. Þá verður spurningin hver á flestu vinina, því auðvitað þarf að nota þá þegar kemur að einhverju mikilvægu í okkar hverfi. Ætli þetta verði eitthvað í þessa áttina ?

Íbúakosning í Reykjavík

Það er kannski málið ?

Gæti það verið málið að engin skilji okkur og þess vegna er allt farið til fjandans.Ef erlendir blaðamenn hefðu talað á hinn veginn hefði Óskar staðið upp og sagt auðvitað við erum best hjá Morgunblaðinu.

Er það ekki málið ?

Segir norræn blaðamannafélög fara með rangt mál

Eru endurskinsmerkin eitruð ?

Það mætti halda að endurskinsmerki væru eitruð, því það er varla að þú sjáir nokkra manneskju nota endurskinsmerki.

Í morgun þurfti ég að fara úr Vesturbænum alla leið inni í Skeifu(mér finnst það langt). Það var dimmt í morgun eins og undanfarna morgna. Fólk veður yfir götuna hvar sem það kemst í kolsvörtum fötum og engin með endurskinsmerki.

Hvað er að fólki hvernig dettur því í hug að fara út án endurskinsmerkis í þessu myrkri ?

Hverjum dettur í hug önnur eins vitleysa ?

Það að leyfa sér að hugsa slíka hugsun að hvetja aðra til að sparka í fólk með ákveðin háralit er alveg ótrúleg.  Þvílík siðblinda.   Ég legg til að fólk hvetji aðra til að faðma mann og annan á morgun, það getur glatt.

Ekki gott að sparka í annað fólk

Íslenskur bjór.

Gott hjá íslendingum að búa til sinn eigin jólabjór. Við þurfum þá ekki að vera eltast við þann danska, sem alltaf stendur fyrir sínu.Ég skellti mér í sumarbústað á Suðurlandi um daginn og bragðaði þá að sjálfsögðu bjór heimamanna eins og manni ber að gera.

Ég keypti fjórar tegundir í Ríkinu á Selfossi, þrír voru góðir og þá sérlega Freyjan en sá fjórði var hreint út sagt úff, afar sérstakt bragð.  Ég mun ekki bragða hann aftur.

Ekki nóg að hafa jólasvein á miðanum

Er ekki ráðlegg að fjölga hundum ?

Leitarhundar virðast vera þeir einu sem að finna fíkniefni.  Væri ekki ráðlegg að hafa hunda víðar, eins og til dæmis í Héraðsdómum víðs vegar um landið, á flugvöllum og lögreglustöðvum. Já bara hér og þar um landið.  Hundar myndu auka öryggi.

Fíkniefnasmygl í héraðsdómi

Það má nú alltaf segja...

Björgvin sér eftir að hafa ekki sagt af sér daginn eftir bankahrun.Það sýnir sig nú í þessum pistli að að einhverjir ráðherrar voru og eru alls ekki starfi sínu vaxnir.

Af hverju ætli fólk hafi þörf fyrir að komast í æðstu embætti ?

Oft er eins og það sé mest athyglisýki, sjaldnast er það vegna þess að þetta fólk vill  gera þjóðinni vel. Þetta virðist allt vera meira og minna eiginhagsmunapot og valdafíkn.  Hlúa að vinum og flokksbræðrum og systrum og lifa góðu og notalegu lífi.

Björgvin íhugaði tvisvar afsögn

Við erum að taka þennan leiða sið frá U.S.A.

íslendingar eru að taka þann leiða sið frá Bandaríkjamönnum að kæra allt og alla.

Ef að höfundi Ávaxtakörfunnar finnst þetta líkjast hennar handriti finnst mér að hún eigi að vera glöð með það að vera góð fyrirmynd.

Góðar fyrirmyndir eru gulls ígildi. 

Ávaxtagolf sýnt áfram

Að sjálfsögðu eiga ráðherrar að bera ábyrgð..

Auðvitað eiga ráðherra að axla sína ábyrgð.Ef þjóðin vill heiðarleika er ekki spurning að ráðherra bera mikla ábyrgð á því sem hefur gerst, ef ekki alla ábyrgð.

Hvað með alla alþingismennina sem að studdu þessar gjörðir ríkisstjórnarinnar, bera þeir ekki líka ábyrgð ?

Ég tel þá þingmenn sem að studdu þessar gjörðir eigi allir að víkja, fyrr fáum við ekki traust á þingmönnum. 

Ráðherrar fyrir dóm?

Heilbrigðisvottorð á alla og siðferðisvottorð.

Það er trúlega þörf á að fá heilbrigðisvottorð frá þeim sem ráða ríkjum hér á landi. Það væri einnig skynsamlegt að gera á þeim siðferðilegt mat.Svo væri gott að fara yfir feril þeirra hverju þau hafa til dæmis komið í verk og hvað margar nefndir þeir sitja í og hvaða fríðindi þau hafa.  500 þúsund krónur strípuð laun er meira en nóg fyrir þessa stjórnendur ríkis og borgar.

Baldur er búin að segja að hann hafi ekki gert neitt rangt.

Það er engum að treysta. Baldur var búin að segja að hann hefði ekkert gert sem væri saknæmt.Sjálfstæðismenn hafa jú komist langt án þess að vera sekir.Þetta er alvarlegt sérstaklega þar sem maðurinn var í áhrifastöðu þegar hann lét af störfum til að skapa frið. Já hann gerði það til að skapa frið.

Það má alveg búast að þetta sé fyrsta málið af mörgum.

Verðum samt að bíða þar til sekt er sönnuð  ? 

Staðfestir kyrrsetningu

Græðgi eða forvitni ?

Það er oft eins og íslendingar eigi ekki neitt þegar nýjar verslanir opna. Fólk fer að bíða fyrir utan löngu fyrir auglýstan opnunartíma.

Það virðist vera alveg sama hvað er að gerast alltaf myndast troðningur.

Basarinn hjá Hringnum var þannig um daginn að 20 mínútur fyrir opnun var komin örtröð fyrir utan. 

Flestir hljómleikar sem haldnir verða fyrir jólin eru  alla veganna með eina aukasýningu.

Er svona lítið að gerast hjá okkur eða hvað ætli valdi þessari "græðgi" ? 

Tekið á móti viðskiptavinum

1281 fjölskylda.

Hvað hafa þessar fjölskyldur að gera við peninga sem þeir geta ekki notað á allri sinni lífsleið.

Ekki neitt. Ef þessir peningar eru komnir eftir "matadorleik" sem viðhafður var í boði Sjálfstæðismanna, á að sjálfsögðu að skattleggja þessa peninga.Spurning hvort eitthvað af þessum gróða sé ekki "illa fengið fé".Ragnar Önundarson kom með tillögu fyrir hrun að skattleggja þessa nýríku. Hvernig stendur á því að það er ekki hlustað á skynsamlegt fólk eins og Ragnar Önundarson ?

Það væri gaman að sjá lista yfir þessar fjölskyldur. 

Þær ríkustu skera sig úr

Erfðaskrár og arfur til ættingja er víða óheiðarlegur.

Ekki veit ég hvernig hægt er að breyta lögum og túlkun laga í erfðamálum. Samt veit ég að það er alveg ótrúlegt hvað ættingjar og vinir geta stolið og komið undan lögum þessa lands.

Það er sagt að þegar dánarbú eru komin í skiptarétt verði tekið tillit til alls. Það er þvílík vitleysa.

Það er hægt að sitja með handfylli af virðulegum lögmönnum á fundi eftir fund og það er hreinlega eins og þeir heyri ekki og svo gera þeir bara það sem þeim dettur í hug. Alveg ótrúlegt að lögin í erfðamálum sé ekki skotheld. 

Eftir situr reitt fólk sem oftar en ekki hefur verið hlunnfarið bak við lögin. 

Hæstiréttur ógildir erfðaskrá

Undarlegt að þetta sé hægt.

Undarlegt að hægt sé að fá laun fyrir vinnu sem þú sinnir ekki.

Hver hefur búið til þessar reglur ? ?

 Einnig finnst mér að nefndarstörf sem unnin eru í vinnutíma eigi ekki að greiða fyrir.

Það er óréttlát að tvíborga vinnutíma og að sjálfsögðu á að stoppa þvílíkt siðleysi strax.

 

Minni laun fyrir dræmar mætingar

Launuð nefnd ?

Það kemur strax upp í hug minn hvort að þetta sé launuð nefnd og í henni  komi til með að sitja "vinirnir" og/eða "flokksbræður".

Hvað ætli margar nefndir séu til ?

Hvað ætli það séu margar nefndir sem eru lítið eða ekkert að gera, annað en að þiggja nefndarlaun ? 

Margar nefndir eru launaðar, já ef ekki flestar og vinnan fer fram í launuðum vinnutíma. Það er að nefndarmenn þiggja laun annarstaðar samtímis.

Ég óska þessari nýju endurskoðunarnefnd farsældar og vona að hún komi til með að skila árangri. 

 

 

Lög um Stjórnarráðið endurskoðuð

Mikið er mér létt.

Auðvitað átti Baldur að hætta strax. Baldur hefur verið umdeildur og það ekki í fyrsta skipti.Er Baldur ekki einn af x D sem komið var fyrir í ráðaneytinu eins og svo mörgum öðrum.

Það væri óskandi að þjóðin fengi ráðanauti og stofnanir þar sem ekki er búið að koma fólki fyrir vegna stjórnmála og vinatengsla og mjög oft án serstakra kunnáttu í því sem þeir eru að sinna. 

Það verður að hreinsa til, það hljótum við öll að átta okkur á. 

Baldur lætur af störfum

Sneiðum hjá Breskum og Hollenskum vörum.

Segir það sig ekki sjálft að við hættum að kaupa vörur frá Hollandi og Bretlandi.

Ef við getum ekki fengið sambærilega vöru frá öðrum löndum, þá verður við að vera án vörunnar.

Best er að sjálfsögðu að kaupa vörur frá Færeyjum, því þeir eru þeir einu sem vilja aðstoða okkur án skuldbindinga.Slæmt hvað lítið er um vörur frá Færeyjum. Það var farið að framleiða Færeyskt kex, tökum við það ekki í staðinn fyrir Hollenskar kruður.

Áfram Færeyjar

Lek fangelsi.

Allar leiðir virðast vera notaðar til að koma einhverju ólyfjan í gegn um fangamúrana.

Alveg er ég viss um að "fangavaktin" hefur reynt ýmsar aðferðir til að stöðva þetta. Samt er það algjörlega óásættanlegt að ekki sé hægt að koma í veg fyrir að ýmiss konar ólyfjan leki stöðugt inn í víggirt fangelsi landsins. 

Fangi með 40 grömm af amfetmíni

Mín lækka ekki neitt.

Skil ekki alveg þessa frétt, af hverju voru þau notuð ?

Það eru sem sagt til mun ódýrari lyf en þau sem  við höfum verið að fá hingað til.  Þrátt fyrir lækkun á lyfjakostnaði sjúkratrygginga hafa mín lyf hækkað. Minn lyfjapakki inniheldur meðal annars bæði sýruhemjandi lyf og blóðfitulækkandi lyf.

Áætlað að lækka kostnað um 780 milljónir