Fólk ætti að skammast sín !

Alveg finnst mér það ótrúlegt hvað viðvaranir eru lítið virtar. Þetta á jafnt við um vegalokanir og lokanir vegna eldgoss.

Það er kannski hægt að afsaka ferðamennina sem skilja ekki íslensku.

Það er eins og fólk haldi að þetta sé grín. Það eru orðnir margir sem að hafa þurft á hjálp vegna eldgossins á Fimmvörðuhálsi.

Fólk ætti að skammast sín. Það er verið að eyða fúlgum af peningum og tíma fólks til að bjarga fólki sem hunsar viðvaranir. Af hverju er fólk ekki rukkað fyrir björgunarþjónustu ?

Ferðamenn festu sig á Öxi

Athugasemdir

[Hamarinn, 4.4.2010 kl. 16:37]

Hvað er þetta. Björgunarsveitarmenn hafa mjög gaman af þessu. Annars væru þeir ekki í sveitunum.

[Grefillinn Sjálfur - Koma svo! (IP-tala skráð) 4.4.2010 kl. 17:46]

Sammála hamrinum, honum Sveini ... björgunarsveitarmenn hafa af þessu mikið yndi ... og ef ekki væri fyrir fólk sem týndist uppi á Fimmvörðuhálsum Íslands og færi sér að voða þá væri eiginlega hægt að leggja niður björgunarsveitirnar og skila öllu björgunardótinu eða selja það í Kolaportinu.

Það vill enginn gera, síst af öllu björgunarsveitirnar.

[Guðrún Þóra Hjaltadóttir, 4.4.2010 kl. 23:34]

Það fylgja miklir fjármunir ánægunni og allt í lagi að fólk borgi fyrir sitt. Það verður ekki langt í stopp á flugeldasölu og þá harðnar róðurinn.

[Guðrún Óladóttir (IP-tala skráð) 5.4.2010 kl. 00:48]

Er svo hjartanlega sammála Guðrúnu Þóru, ef fólk þyrfti að borga fyrir björgun sem það leggur í þrátt fyrir aðvaranir yrði minna um þessa löngu og miklu leitir og bjarganir. Það liggur við að maður skammist sín fyrir að vera að  vera íslendingur þegar maður les að sumu fólki skuli detta í huga að fara á fjöll á strigaskóm til fótanna og nestislaus í margra tíma göngu. Hvað halda menn að kosti að björgunarsveitarmenn á sólarhringsvakt vegna eldgossins? Ég velti því fyrir mér hvort margir þeirra vildu ekki frekar eyða páskunum t.d með djölskyldunni í staðinn fyrir að vera að passa uppá það að vitlausir og illa útbúnir íslendingar fari sér að voða.

[Hamarinn, 5.4.2010 kl. 01:14]

Hafa þeir eitthvað þarfara að gera ?